(ka skjer?) Det var for akkurat 100 år sidan i år at dei to gode venane og brørne, Nils L. Høel (1875-1958) og Lars L. Høel (1877-1935) satte opp bua inne ved Tinnhølen. Sidan arva sonane deira, Leif N. Høel (gardbrukaren på Høel) og Leif L. Høel (1922-97) (pressefotografen Drammens-Leif), kvar sin halvpart. Nils og Lars vaks opp saman på garden Høel og vart sers gode venar. Dei gjeta mellom anna 300 sauar i fjellet saman då dei berre var 8-10 år gamle, slikt skapar samhald. Det er skrive ein flott fortelling i DNT-årboka 1929 om oppleving-ane deira som smågutar. Seinare skreiv dei brev til kvarandre meist kvar einaste veke. Då Lars døyde tidleg, i 1935, var Nils i kyrkja. Torfinn Skaar har fortald at det var einaste gong han hadde sett tårane kome hos den staute fjellmannen, Nils. Han var gardbrukar og dreiv Sandhaug Turisthytte i utallige år. Lars budde i Drammen og var eiendomsmeklar. I sumar er det altså 100 år sidan dei to saman bygde bua som no stend som eit minne over dei to.