Velkomen
Velkomen til ein hyggjeleg laurdag 25. januar 2014. Kulturkomiteen ynskjar deg velkomen til ein spanande og lang dag i Kinosalen. Men tida kjem til å fyka så fort som berre det. For her kjem det trivelege folk, det vert kaffi og kake, og ikkje minst ein masse herlege tilbakeblikk på det gamle, gode Eidfjord.
Dørene opnast klokka 13.30, og klokka 13.55 lyt alle vera på plass i salen. Det vert sal av kaffi, te og kaker frå kl. 13.30 og i pausene. Gamalfilmfestivalen er nok eit arrangement som egnar seg dårleg for små barn, men for vaksne vil det vera særs interessant, og inngongsbilletten koster berre 50 kr. Billigare og betre vert det ikkje!
Programmet varer i nærmare fire timer, men me har to pauser der du kan strekkja på beina, ta deg ein kaffikopp og liknande syslar. Det er sjølvsagt høve til å berre delta i delar av programmet – om du til dømes må rekkja noko anna.
Og så er altså programmet lagt opp slik at det er to hovedbolkar: Frå klokka 14 får ein sjå film/bilete som ikkje vart vist på Gamalflmfestivalen i 2013. Etter pausa klokka 16.15 synar me – på oppmoding – film/bilete som ein også kunne sjå i fjor. Så sjølvsagt kan du, om du var tilstades i fjor, velgja å berre fylgja bolk 1. Men materialet me presenterer etter pausa er jo særs interessant, så kan henda ynskjer du allikevel å sjå desse unike opptaka på nytt.
Ein gjer merksam på at det, av ulike grunnar, ikkje vert høve til å få kopi av filmane i ettertid, om ein skulle ynskja det.
Kulturkomiteen ser fram til å sjå deg laurdag 25. januar. Me har fått hjelp av Frede Olaussen med det tekniske og takkar han så mykje.
Det er Hans Hellevang som har tatt storjobben med skanning av alle dei kring 350 bileta me skal syna. Han og Lars Hoel har satt saman framsyninga, og sistnevnte har plukka ut musikken som fylgjar dei to lysbileteframsynigene.
Dagens programleiar vert Gunnvor Hopen Veka. Johanna Håbrekke og Ingebjørg Olsen tek hand om kake-/kaffisalet.
Filmane:
Bolk 1 – Filmar som ikkje vart vist på den fyrste Gamalfilmfestivalen
Vigsling av den nye kyrkja
Filmen er teke opp av Kolbjørn Aske. Ein viktig dag i eidfjordhistoria. Filmen er teknisk temmeleg dårleg, men temaet er så interessant – og me ser så mange eidfjordingar – at me har valgt å syna filmen.
Kråtekaker og bakstepiker
Filmen er frå 60-talet og gjekk på NRK i si tid. Profesjonelt laga og eit koseleg tema; kråtakakebaking. Teke opp på ein gard på Børve. Med kjendisane Ingerid Espelid, Gunnvor Hopen Veka samt Børve-damer.
Brudlaupet i Tråa i 1961
20. mai gifta Per & Sigrun Lægreid seg. Det vart laga ein film frå dette tradisjonsrike brudlaupet, og me har vore så heldige og fått låna filmen. Stor takk til Per og Sigrun. Her florerar det av kjende eidfjordfolk, brudlaupstradisjonar, bunader – og vëret er strålande. Verkeleg verdt å sjå.
Eidfjordanleggene
Filmen er profesjonelt laga, og me får sjå mange særs interessante klipp frå det gamle bygdesamfunnet. Det er Per Øivind Heradstveit som kommenterer. Ein film ein gjerne kan sjå fleire gongar. Laga i 1980.
Ljosbileteprogram nummer 2
180 farge- og svart/hvitt-bilete frå Eidfjord i tida frå 1950 til 1980. Satt saman til eit bileteprogram som fylgjas av vakker musikk. Bilete frå fjord, bygd, dal og vidde.
Bolk 2 – Filmar som også vart vist i februar 2013)
Jakta 1959
Unike opptak. Filmen var fyrst oppdaga for eit år sida etter å ha liggje nedstøva i 53 år. Fjellstemninger frå Vidda, jakt ved Sandhaug, massevis av jegare å kjenne igjen. Filma med 16 mm. Denne lyt gamle jegare sjå.
Fjordparadiset
Utdrag frå ein reklamefilm laga om Ulvik. Me skal sjå tre minuttar frå Eidfjord. Frå 1950-talet.
Turisten Allan Handly filmar i Eidfjord
Opptak frå 1936. Ein turist bur i Ulvik, men tar seg ein tur inn til Eidfjord og opp Måbødalen. Unike opptak.
Ljosbileteprogram nummer 1
16o fargebilete frå Eidfjord i tida frå 1950 til 1980. Satt saman til ei framsyning og ledsaga av flott musikk.
Småbruk på en berghylle
Gjekk på NRK i 1967. Svært kunstnerisk og godt laga om livet på Kjeåsen lenge før bilvegen kom. Ein treff på Margrethe Åsen, Helge Åsen, Bjørg Wiik og hennes unge syskjen m.a.